იბერია 1999-სა და წალკის ქალთა კლუბ ეძანს შორის ურთიერთთანამშრომლობის შეთანხმება გაფორმდა

საფეხბურთო კლუბ “იბერია 1999”-სა და წალკის ქალთა კლუბ ,,ეძანს” შორის ურთიერთთანამშრომლობის შეთანხმება გაფორმდა. თანამშრომლის ფარგლებში, ფეხბურთელებსა და სტაფს, მათთვის საჭირო ინვენტარი უსასყიდლოდ გადაეცათ.

“ვინაიდან და რადგანაც, ვიცით რომ ქალთა ფეხბურთი კიდევ უფრო დიდი გამოწვევების წინაშეა, გადავწყვიტეთ, დავხმარებოდით ისეთ კლუბს, რომელსაც ეს ნამდვილად ჭირდება. ვიცით, რომ არა ერთი ძალიან ნიჭიერი, ახალგაზრდა ფეხბურთელი გოგონა თამაშობს ამ კლუბში და გვინდა წარმატებები ვუსურვოთ სამომავლო საქმიანობაში” – კახა ამირიძე, ს.კ. იბერია 1999-ის დირექტორი.

“ძალიან მნიშვნელოვანი დახმარება გაგვიწიეთ, რადგან ზოგადად ძალიან რთული სიტუაციაა ქალთა ფეხბურთში. მადლობას მოგახსენებთ დახმარებისთვის და წარმატებებს ვუსურვებ იბერიას სამომავლოდ.” – აჩიკო შავაძე, ს.კ. ეძანის მეკარეების მწვრთნელი.